Kushtet për dërgesa kontributesh në faqen "Tinguj & Vargje"

Versionet e mëparshme: asnjë version i mëparshëm

I. MBI IDENTITETIN DHE STRUKTURËN ORGANIZATIVE

1. "Tinguj & Vargje" është një projekt digjital dhe iniciativë redaktoriale e administruar nga Besëlidhja për Mbrojtjen dhe Përparimin e Gjuhës Shqipe (në vijim: “Besëlidhja”). Për qëllime të këtyre Kushteve, çdo referencë ndaj "nismës" ose "faqes" i referohet themeluesve dhe veprimtarëve të kësaj nisme.

2. "Tinguj & Vargje" është një projekt digjital dhe nismë redaktoriale që operon nën administrimin e nismës mëmë Besëlidhja për Mbrojtjen dhe Përparimin e Gjuhës Shqipe (në vijim: “Besëlidhja”).

3. Besëlidhja është entiteti përgjegjës për administrimin, mirëmbajtjen, zhvillimin dhe funksionimin e projektit “Tinguj & Vargje”, përfshirë, por pa u kufizuar në, përmbajtjen, infrastrukturën teknike, politikat, dhe vendimet redaktoriale. Besëlidhja është gjithashtu kontrolluesi i të dhënave personale, (sipas kuptimit të legjislacionit të zbatueshëm) që mblidhen dhe përpunohen përmes "Tinguj & Vargje".

4. “Tinguj & Vargje” përdoret si identitet publik, editorial dhe funksional i projektit dhe nuk përbën subjekt të veçantë, të pavarur ose të ndarë nga Besëlidhja.

5. Kur në këto Kushte përdoren termat “faqja”, “projekti”, "nisma" ose “Tinguj & Vargje”, ato i referohen platformës digjitale dhe veprimtarisë redaktoriale të administruar nga Besëlidhja, përveç rasteve kur përcaktohet ndryshe shprehimisht.

6. Struktura organizative, ndarja e brendshme, branding-u, funksionet ose arkitektura e projektit mund të ndryshohen, zgjerohen ose riorganizohen në çdo kohë, pa ndikuar mbi identitetin e Besëlidhjes si entitet përgjegjës.

7. Çdo referencë ndaj "Tinguj & Vargje" përfshin, kur konteksti e kërkon, arkivat, databazat, publikimet, rrjetet sociale dhe çdo mjet tjetër komunikimi të administruara nga Besëlidhja.

8. Ndryshimi i emrit, logos, identitetit pamor ose strukturës organizative nuk e prek vlefshmërinë e këtyre kushteve.

A. Mbi identitetin tonë:

1. Për qëllime të këtyre Kushteve, çdo referencë ndaj “Tinguj & Vargje”, “faqja”, “nisma”, "ne" si dhe çdo formë tjetër e shkurtuar, përshkruese ose funksionale e përdorur për të identifikuar platformën digjitale, konsiderohet juridikisht dhe funksionalisht e njëjtë dhe i referohet të njëjtit sistem të administruar nga Besëlidhja për Mbrojtjen dhe Përparimin e Gjuhës Shqipe.

2. E njëjta ekuivalencë zbatohet edhe për çdo referencë ndaj “Besëlidhjes”, “nismës”, ose çdo forme tjetër emërtimi që i referohet entitetit përgjegjës, i cili konsiderohet i njëjti subjekt në të gjitha rastet.

3. Asnjë ndryshim në stil, formatim, gjuhë, kapitalizim, shkurtime ose emërtim funksional nuk krijon entitete të veçanta, përgjegjësi të ndara ose interpretime të ndryshme juridike.

4. Në rast dykuptimësie terminologjike, interpretimi bëhet gjithmonë në favor të identitetit unik administrativ të përcaktuar në këto kushte.

B. Mbi identitetin tuaj:

1. Për qëllime të këtyre Kushteve, çdo referencë ndaj “ju”, “përdoruesi”, “vizitori”, "lexuesi", “dërguesi”, "kontribuesi" ose çdo formë tjetër gjuhësore që i referohet një individi që ndërvepron me faqen, konsiderohet e njëjtë dhe i referohet të njëjtit subjekt juridikisht përgjegjës për veprimet e kryera përmes ndërveprimit me nismën.

2. Përdorimi i formave të ndryshme gramatikore, përemërore ose përshkruese nuk krijon kategori të ndryshme përdoruesish, të drejta të ndryshme, ose trajtim të ndryshëm juridik, përveç rasteve kur përcaktohet shprehimisht ndryshe në këto Kushte.

3. Në rast dykuptimësie, të gjitha referencat interpretohen në mënyrë funksionale dhe gjithëpërfshirëse si “përdorues”, në kuptimin e çdo personi fizik ose juridik që ndërvepron me faqen në çfarëdo forme.

1. Këto Kushte rregullojnë çdo vërejtje, sugjerim, korrigjim, koment, interpretim, informacion, dokument, burim, material ose përmbajtje tjetër të dërguar pranë faqes "Tinguj & Vargje", nëpërmjet formularëve të kontaktit, formularëve të dërgimit të materialeve ose çdo forme tjetër komunikimi të vënë në dispozicion nga faqja.

2. Qëllimi i këtyre Kushteve është të përcaktojë mënyrën e trajtimit të materialeve të dërguara për qëllime dokumentimi, ruajtjeje, pasurimi, verifikimi, shpjegimi dhe plotësimi të përmbajtjes së projektit "Tinguj & Vargje".

3. Faqja pranon materiale me natyrë dokumentuese, informuese, historike, kulturore ose shpjeguese, përfshirë, por pa u kufizuar në: të dhëna plotësuese, korrigjime, burime, kujtime, dëshmi gojore, variante të materialeve tradicionale, informacione mbi autorë, interpretime, histori, kontekste, referenca dhe materiale të tjera që ndihmojnë në dokumentimin dhe kuptimin e përmbajtjes së publikuar.

4. Dërgimi i një materiali pranë faqes nuk nënkupton automatikisht kërkesë për botim të një krijimi të ri artistik dhe as krijon detyrim që faqja ta publikojë, ta përdorë ose ta përfshijë materialin në arkiv. Çdo material vlerësohet nga redaksia sipas qëllimit, natyrës, rëndësisë dokumentuese, saktësisë dhe përputhshmërisë me kriteret e projektit.

5. Faqja nuk pranon materiale të dërguara si krijime artistike origjinale me qëllim publikimin e tyre si vepra të veçanta personale, përfshirë poezi të reja, tekste këngësh të krijuara rishtazi, dorëshkrime ose krijime të tjera artistike që nuk kanë qëllim dokumentues apo arkivor. Përjashtim bëjnë materialet me vlerë dokumentuese ose kulturore, të lidhura me traditën, kujtesën kolektive, trashëgiminë gojore ose me historinë e një materiali ekzistues.

6. Nëse nuk pajtoheni me këto Kushte, nuk duhet të dërgoni materiale ose të përdorni mjetet e komunikimit të vëna në dispozicion nga faqja për paraqitjen e tyre.

7. Dërgimi i çdo materiali pranë "Tinguj & Vargje" përbën konfirmim të pranimit të plotë të këtyre Kushteve dhe të faktit se materiali po paraqitet në kuadër të një projekti dokumentues dhe arkivor, jo si një platformë për botimin e krijimeve personale të reja. Dërguesi pranon që materiali të trajtohet në përputhje me qëllimin dhe parimet e projektit.

8. Çdo rast i veçantë që lidhet me publikimin, përdorimin ose trajtimin e një materiali si krijim artistik më vete do të jetë i vlefshëm vetëm nëse është dakordësuar shprehimisht dhe paraprakisht me shkrim ndërmjet palëve. Një dërgim materiali, komunikim i zakonshëm ose shkëmbim informacioni nuk do të konsiderohet si autorizim për publikim të një vepre personale jashtë qëllimit dokumentues të faqes.

1. Këto kushte zbatohen për çdo lloj materiali të dërguar, përfshirë por pa u kufizuar në: sugjerime për këngë, tekste këngësh, korrigjime tekstesh, korrigjime faktesh, plotësime informacioni, materiale arkivore, fotografi, dokumente, referenca bibliografike, burime historike, interpretime gjuhësore, interpretime dialektore, interpretime folklorike, shpjegime të fjalëve ose shprehjeve, komente, përshtypje, vërejtje, ankesa, çdo material tjetër i dërguar pranë faqes, komunikime verbale, komunikime elektronike, komunikime përmes rrjeteve sociale, materiale audio, materiale video, metadata, transkriptime, inteligjencë artificiale ose materiale të gjeneruara me ndihmën e saj.

2. Këto Kushte zbatohen pavarësisht formës së komunikimit, teknologjisë së përdorur, formatit të materialit ose mënyrës së transmetimit të tij.

A. Dërguesi deklaron se, me sa ka dijeni:

1.  ka zotësi të plotë juridike për të vepruar dhe është në moshë madhore (të paktën 18 vjeç);

2. nëse materiali dërgohet nga një i mitur, prindërit ose kujdestarët ligjorë të tij mbajnë përgjegjësi të plotë, solidare dhe të pakufizuar për të gjitha detyrimet dhe dëmshpërblimet që burojnë nga këto Kushte.

B. Duke dërguar materiale, dërguesi deklaron se, me sa ka dijeni:

1. ka të drejtë t'i dërgojë ato;

2. nuk po paraqitet në mënyrë të rreme si person tjetër;

3. nuk po përdor identitetin e një pale të tretë pa autorizim;

4. materiali nuk cenon të drejta autori, marka tregtare ose të drejta të tjera të palëve të treta;

5. materiali nuk përmban përmbajtje të paligjshme;

6. materiali nuk përmban programe keqdashëse, kode dëmtuese ose mjete të ngjashme;

7. informacioni nuk është paraqitur me vetëdije si i rremë;

8. materiali nuk është dërguar në kundërshtim me ndonjë detyrim ligjor, kontraktor ose detyrim konfidencialiteti;

9. materiali nuk cenon privatësinë, të drejtat e personalitetit ose interesat legjitime të personave të tretë;

10. materiali nuk është përfituar ose siguruar në mënyrë të paligjshme;

11. dërgimi i materialit nuk shkel asnjë ligj të zbatueshëm ose detyrim tjetër juridik që rëndon mbi dërguesin.

1. Dërgimi i një burimi, reference, dokumenti, fotografie apo çdo ateriali tjetër nuk krijon detyrim që ai të konsiderohet prej nesh si i saktë, përfundimtar, i plotë, i mjaftueshëm, apo i detyrueshëm për t'u përfshirë në faqe.

2. "Tinguj & Vargje" rezervon të drejtën të verifikojë, të mos verifikojë, të pranojë ose të mos pranojë çdo burim sipas gjykimit të vet redaktorial.

Informacioni mbi muzikën, folklorin, historinë, dialektet, autorësinë, datimet, biografitë dhe elemente të tjera kulturore mund të mbështetet në burime që herë pas here janë të ndryshme, të paplota ose kontradiktore.

1. Kur ekzistojnë mospërputhje ndërmjet burimeve, "Tinguj & Vargje" rezervon të drejtën:

• të zgjedhë një interpretim;

• të paraqesë disa interpretime;

• të mos paraqesë asnjërin interpretim;

• të ndryshojë qëndrimin e mëparshëm në çdo kohë.

2. Asnjë zgjedhje redaktoriale nuk përbën deklarim se interpretimet alternative janë domosdoshmërisht të pavlefshme.

1. Shpjegimet e fjalëve, shprehjeve, dialektizmave, termave folklorikë, referencave historike ose elementeve të tjera kulturore mund të mbështeten në: 

• burime të shkruara;

• burime gojore;

• tradita lokale;

• dëshmi individuale;

• materiale arkivore;

• gjykime redaktoriale.

2. Interpretime të tjera mund të ekzistojnë. Mungesa e këtyre interpretimeve në faqe nuk nënkupton pavlefshmërinë e tyre.

1. Duke dërguar materiale, ju i jepni faqes "Tinguj & Vargje" një licencë të pakufizuar, të pakthyeshme, të përhershme, botërore, pa pagesë dhe të transferueshme për: përdorimin, ruajtjen, riprodhimin, përpunimin, redaktimin, korrigjimin, përmbledhjen, përshtatjen, integrimin, kombinimin me materiale të tjera, publikimin, ribotimin, shpërndarjen, arkivimin, digjitalizimin, indeksimin, përdorimin në projekte të tanishme ose të ardhshme, përkthim, transliterim, standardizim gjuhësor, restaurim, rikonstruksion, anonimizim, indeksim semantik, analizë statistikore, trajnim të proceseve të brendshme redaktoriale, përdorim në publikime akademike, përdorim në ekspozita, përdorim në arkiva publike ose private, përdorim në media të ardhshme ose teknologji që ende nuk ekzistojnë.

2. Kjo licencë jepet pa asnjë detyrim për pagesë, shpërblim, kompensim, honorar, njohje autorësie, citim ose miratim paraprak nga dërguesi.

3. Në masën e lejuar nga legjislacioni i zbatueshëm, dërguesi pranon që përdorimi, redaktimi, përpunimi, përshtatja, përmbledhja, integrimi ose kombinimi i materialit nga "Tinguj & Vargje" mund të kryhet sipas nevojave redaktoriale, teknike ose organizative të projektit dhe nuk përbën, në vetvete, shkelje të të drejtave të dërguesit mbi materialin.

4. Dërguesi pranon se materiali mund të humbasë identitetin e tij fillestar përmes procesit të redaktimit, integrimit ose kombinimit me materiale të tjera.

1. Dërguesi mban përgjegjësi të plotë, ekskluzive dhe të pakufizuar ligjore e financiare për çdo material të dorëzuar.

2. Në rast se një palë e tretë (përfshirë autorë ose pronarë të të drejtave të autorit) ngre pretendime, ankesa ose padi ndaj faqes "Tinguj & Vargje" (e rrjedhimisht, Besëlidhjes) për cenim të të drejtave të autorit, dërguesi i materialeve përkatëse merr përsipër të ndërhyjë menjëherë në proces për të mbrojtur Besëlidhjen.

3. Dërguesi detyrohet të dëmshpërblejë plotësisht Besëlidhjen për Mbrojtjen dhe Përparimin e Gjuhës Shqipe për çdo dëm, gjobë, penalitet, shpenzim gjyqësor dhe tarifë avokatie që buron nga ky cenim.

1. Faqja nuk ka detyrim të identifikojë autorin e materialit.

2. Faqja mund të japë, të mos japë ose të heqë atribimin në çdo kohë.

3. Gabimet në atribuim nuk krijojnë detyrim për kompensim.

4. Materialet e dërguara mund të bashkohen me materiale të tjera në mënyrë që autorësia individuale të mos jetë më e identifikueshme.

5. Prania ose mungesa e emrit të një personi nuk përbën njohje juridike të autorësisë.

1. Dërgimi i një materiali pranë "Tinguj & Vargje" nuk krijon asnjë detyrim për faqen lidhur me shqyrtimin, verifikimin, pranimin, publikimin, ruajtjen, përfshirjen në databaza, arkivimin, përpunimin ose dhënien e një përgjigjeje ndaj materialit të dërguar.

2. "Tinguj & Vargje" rezervon të drejtën ekskluzive për të vendosur, sipas gjykimit të vet redaktorial, nëse një material do të merret në shqyrtim, do të përdoret, do të publikohet, do të ndryshohet, do të ruhet ose do të refuzohet.

3. Asnjë material i dërguar nuk krijon të drejtë automatike për publikim, trajtim, përfshirje në arkiv, ruajtje afatgjatë ose komunikim të mëtejshëm me dërguesin.

4. Të gjitha materialet trajtohen vetëm në kuadër të funksionit dokumentues dhe redaktorial të projektit dhe jo si pjesë e një marrëdhënieje detyruese për publikim, botim, arkivim ose ofrim shërbimi të vazhdueshëm.

1. "Tinguj & Vargje" gëzon të drejtën e plotë për të redaktuar, përpunuar, organizuar, përshtatur, strukturuar dhe paraqitur materialet e pranuara në përputhje me natyrën dokumentuese, arkivore dhe redaktoriale të projektit. Kjo e drejtë përfshin, por nuk kufizohet në:

   • korrigjimin drejtshkrimor, gjuhësor dhe teknik të materialeve;

   • standardizimin e mënyrës së shkrimit dhe paraqitjes;

   • ndryshimin e formatimit dhe strukturës së paraqitjes;

   • përmbledhjen, shkurtimin ose riorganizimin e informacionit;

   • heqjen e pjesëve të materialeve që nuk konsiderohen të nevojshme për qëllimin dokumentues të projektit;

   • shtimin e shënimeve, sqarimeve, përshkrimeve ose ndërhyrjeve redaktoriale;

   • ndryshimin e titujve, përshkrimeve dhe elementeve shoqëruese;

   • ndryshimin e kategorizimit, klasifikimit dhe mënyrës së organizimit;

   • kombinimin e materialeve të ndryshme me qëllim krijimin e një paraqitjeje më të plotë dhe të organizuar;

   • integrimin e materialeve në artikuj, faqe, databaza ose struktura të tjera të projektit.

2. Faqja nuk ka detyrim të ruajë formën, renditjen, strukturën, formatin ose paraqitjen origjinale të materialit të dërguar.

3. "Tinguj & Vargje" rezervon gjithashtu të drejtën të ndryshojë në çdo kohë organizimin e arkivit, sistemet e kategorizimit, terminologjinë, kriteret redaktoriale dhe metodologjinë e trajtimit të materialeve, në përputhje me zhvillimin dhe nevojat e projektit.Kjo përfshin, por nuk kufizohet në:

1. Ndryshimin e strukturës së arkivit. Faqja mund të krijojë, bashkojë, ndryshojë, riorganizojë ose eliminojë kategori, seksione, ndarje ose struktura të tjera organizative.

2. Riklasifikimin e materialeve. Faqja mund të riklasifikojë, riorganizojë ose riatribojë materiale në kategori të ndryshme sipas gjykimit redaktorial.

3. Ndryshimin e metodologjisë. Faqja mund të ndryshojë mënyrën e vlerësimit, analizës, shqyrtimit dhe trajtimit të materialeve.

4. Ndryshimin e kritereve redaktoriale. Faqja mund të ndryshojë, zëvendësojë ose riformulojë kriteret, standardet dhe praktikat e saj redaktoriale.

5. Ndryshimin e terminologjisë. Faqja mund të ndryshojë, standardizojë ose zëvendësojë terminologjinë e përdorur në përshkrim, analizë, klasifikim dhe komunikim redaktorial.

4. Të gjitha këto veprime përbëjnë pjesë të funksionit normal redaktorial, dokumentues dhe administrativ të "Tinguj & Vargje" dhe nuk krijojnë detyrim për ruajtjen e formës origjinale të materialeve të dërguara.

1. "Tinguj & Vargje" është një projekt dokumentues, arkivor dhe redaktorial.

2. Përzgjedhja, organizimi, klasifikimi, kategorizimi, përmbledhja, interpretimi, shpjegimi dhe paraqitja e materialeve përbëjnë vendime redaktoriale që merren sipas vlerësimit të administruesve dhe redaktorëve të faqes.

3. Përfshirja e një materiali në projekt nuk nënkupton miratim absolut të çdo informacioni të përmbajtur në të, por trajtim të tij në kuadër të qëllimit dokumentues të faqes.

1. Megjithëse "Tinguj & Vargje" përpiqet të përdorë burime të besueshme dhe të kryejë verifikime të arsyeshme, faqja nuk garanton që çdo material, tekst, datë, biografi, interpretim, përkufizim, atribim ose informacion tjetër është gjithmonë plotësisht i saktë, i plotë, i përditësuar ose i pakundërshtueshëm.

2. Materialet mund të korrigjohen, përditësohen, ndryshohen ose hiqen kur paraqiten të dhëna të reja ose kur vlerësohet e nevojshme nga ana redaktoriale.

1. "Tinguj & Vargje" nuk ka detyrim të ndërmarrë veprime mbi bazën e një sugjerimi, korrigjimi, komenti, ankese, kërkese ose materiali të dërguar.

2. Faqja nuk ka detyrim të japë shpjegime, analiza, arsyetime ose justifikime të hollësishme lidhur me vendimet e saj redaktoriale, përfshirë vendimet për mospranim, mosbotim, mosndryshim ose mosveprim.

1. Të gjitha vendimet lidhur me përzgjedhjen, organizimin, trajtimin, publikimin, ndryshimin ose mos përdorimin e materialeve ushtrohen sipas diskrecionit redaktorial të "Tinguj & Vargje", në përputhje me natyrën, qëllimin dhe standardet e projektit.

2. Faqja nuk ka detyrim për njoftim paraprak për ndryshime të strukturës, metodologjisë, kategorive, kritereve ose mënyrës së trajtimit të përmbajtjes.

1. Dërgimi i materialeve nuk krijon: marrëdhënie pune, marrëdhënie kontraktore, marrëdhënie partneriteti, marrëdhënie përfaqësimi, marrëdhënie bashkautorësie, marrëdhënie pronësie, apo marrëdhënie bashkëpunimi të vazhdueshëm mes Besëlidhjes dhe dërguesit.

2. Dërguesi nuk fiton asnjë të drejtë financiare ose pronësore mbi faqen ose mbi përmbajtjen e saj.

1. Dhënia e një adrese e-mail-i ose çdo forme tjetër kontakti nuk garanton në asnjë rast përgjigje nga faqja. Faqja vendos në mënyrë diskrecionare nëse dhe kur përgjigjet ndaj çdo komunikimi të marrë.

2. Faqja mund të kontaktojë dërguesin, sipas gjykimit të saj, për qëllime të: sqarimeve shtesë, verifikimeve të informacionit; kërkesave plotësuese, çështjeve administrative ose teknike. Ky komunikim i mundshëm eventual nuk krijon asnjë detyrim për vazhdimësi, bashkëpunim apo trajtim të mëtejshëm të materialit.

3. Faqja rezervon të drejtën të mos i përgjigjet ose të ndërpresë çdo komunikim që, sipas vlerësimit të saj, konsiderohet: i përsëritur, i pabazuar, fyes, kërcënues, keqdashës, abuziv, i automatizuar, spam, ose i parëndësishëm për funksionimin, qëllimet ose objektivat e faqes.

4. Asnjë komunikim, korrespondencë, diskutim, shqyrtim, përgjigje apo bashkëpunim i përkohshëm nuk krijon pritshmëri të arsyeshme, të drejta të fituara ose detyrime për: publikim, pagesë, vazhdimësi bashkëpunimi, apo krijim të ndonjë marrëdhënieje juridike midis palëve.

A. Natyra vullnetare e dhënies së adresës së e-mail-it

1. Dhënia e adresës së e-mail-it është në parim plotësisht vullnetare dhe në diskrecionin e dërguesit. Faqja nuk kërkon në mënyrë të detyrueshme e-mail për qëllime të përgjithshme informimi ose komunikimi, përveç rasteve të përcaktuara shprehimisht në këtë seksion.

2. Faqja garanton se e-mail-i i dhënë nuk publikohet, nuk shpërndahet dhe nuk u jepet palëve të treta, përveç rasteve të parashikuara shprehimisht në politikën e faqes (p.sh. rrezik ligjor, siguri, sulme kibernetike ose detyrim ligjor).

3. Mosdhënia e një adrese e-mail-i mund të kufizojë ose të pamundësojë verifikimin e informacionit të dërguar, veçanërisht në rastet kur informacioni:

   1. nuk është publikisht i disponueshëm;

   2. kërkon sqarim, konfirmim ose verifikim shtesë sipas vlerësimit redaktorial të faqes.

Ky kufizim nuk krijon detyrim për faqen që të kërkojë alternativa verifikimi.

B. Rastet e detyrueshme të dhënies së një adrese e-mail-i:

1. Dhënia e e-mail-it bëhet e domosdoshme vetëm në rastin e përdorimit të fletëkërkesës së kontaktit me faqen, që kërkojnë funksionalisht një adresë për dorëzimin e kërkesës. Në këto raste, mungesa e e-mail-it e bën teknikisht të pamundur dërgimin e fletëkërkesës dhe, rrjedhimisht, komunikimi nuk mund të kryhet.

2. E-mail-i përdoret ekskluzivisht për qëllime komunikimi dhe nuk zëvendësohet nga asnjë mjet tjetër kontaktues në këto forma.=

3. Përpunimi i të dhënave personale kryhet sipas Politikës së Privatësisë.

Dërguesit nuk duhet të mbështeten te faqja si mjet ruajtjeje ose arkivimi. "Tinguj & Vargje" nuk garanton ruajtjen afatgjatë të materialeve të dërguara dhe mund t'i fshijë, humbasë ose mos i ruajë ato për arsye teknike, organizative ose arsye të tjera.

Faqja nuk garanton disponueshmëri të pandërprerë. Shërbimet, formularët, materialet ose vetë faqja mund të ndryshohen, kufizohen, pezullohen ose mbyllen në çdo kohë.

1. Të gjitha materialet e dërguara, të pranuara ose të trajtuara nga faqja i nënshtrohen një regjimi të brendshëm administrimi, i cili ka karakter ekskluzivisht teknik dhe redaktorial.

2. Faqja nuk garanton ruajtje të pacaktuar, të pandryshuar ose të aksesueshme përgjithmonë të materialeve dhe rezervon të gjitha të drejtat për administrimin e tyre sipas nevojave funksionale, teknike dhe redaktoriale.

3. Faqja nuk garanton disponueshmëri të vazhdueshme, të pandërprerë ose të njëjtë të materialeve apo shërbimeve. Disponueshmëria mund të ndryshojë në çdo kohë për arsye teknike, redaktoriale, administrative ose operacionale, pa detyrim njoftimi paraprak.

4. Faqja gëzon të drejtën ekskluzive për të administruar, transformuar, optimizuar, riorganizuar dhe trajtuar materialet në çdo formë të nevojshme për funksionimin e saj. Kjo e drejtë përfshin, pa u kufizuar në:

   1. Të drejtën për migrim teknik. Faqja gëzon të drejtën të migrojë materialet ndërmjet sistemeve, serverëve, platformave ose arkitekturave të ndryshme teknike, pa ndryshuar domosdoshmërisht përmbajtjen thelbësore. 

   2. Të drejtën për kompresim. Faqja gëzon të drejtën të kompresojë, optimizojë ose reduktojë madhësinë e materialeve për qëllime ruajtjeje, shpejtësie ose efikasiteti teknik.

   3. Të drejtën për konvertim formatesh. Faqja gëzon të drejtën të konvertojë materialet në formate të ndryshme teknike, digjitale ose strukturore, sipas nevojës së sistemit ose standardeve të brendshme.

   4. Të drejtën për deindeksim. Faqja gëzon të drejtën të deindeksojë, kufizojë ose ndryshojë aksesueshmërinë e materialeve nga motorët e kërkimit ose sistemet e brendshme të indeksimit.

   5. Të drejtën për fshirje administrative. Faqja gëzon të drejtën të fshijë, eliminojë ose heqë materiale për arsye administrative, teknike, redaktoriale ose funksionale, pa detyrim ruajtjeje ose njoftimi.

   6. Të drejtën për arkivim offline. Faqja gëzon të drejtën të transferojë, ruajë ose arkivojë materiale në sisteme offline, të izoluara ose jo-publike, për qëllime sigurie, ruajtjeje ose menaxhimi të brendshëm.

Referimi i një burimi nuk nënkupton miratim të plotë të përmbajtjes, metodologjisë, përfundimeve ose qëndrimeve të tij.

1. Faqja rezervon të drejtën të korrigjojë, përditësojë, plotësojë, ndryshojë ose të tërheqë çdo material ose informacion të publikuar në çdo kohë, pa detyrim njoftimi paraprak dhe pa krijuar pritshmëri të qëndrueshme për ruajtjen e një versioni të caktuar.

2. Publikimi i një materiali nuk krijon asnjë të drejtë që ai të mbetet i publikuar përgjithmonë, në të njëjtën formë, përmbajtje ose kategorizim. Kjo e drejtë përfshin, pa u kufizuar në:

   1. Të drejtën për tërheqje të pjesshme. Faqja gëzon të drejtën të tërheqë, kufizojë ose heqë pjesërisht materiale, fragmente ose elemente të veçanta të tyre, pa qenë e detyruar të tërheqë materialin në tërësi.

   2. Të drejtën për ridatime. Faqja gëzon të drejtën të ndryshojë, riformatojë ose ripërcaktojë datat e publikimit, modifikimit ose trajtimit të materialeve, për arsye teknike, strukturore ose redaktoriale.

   3. Të drejtën për rishikim metodologjik. Faqja gëzon të drejtën të rishikojë në çdo kohë metodologjinë e përdorur për vlerësimin, trajtimin, përpunimin ose publikimin e materialeve, përfshirë ndryshimin e standardeve të brendshme.

   4. Të drejtën për riklasifikim historik. Faqja gëzon të drejtën të riklasifikojë materiale në mënyrë retrospektive, duke ndryshuar kategorinë, statusin ose interpretimin e tyre në arkiv, sistem ose strukturë historike të brendshme.

1. Për aq sa lejohet nga ligji i zbatueshëm, "Tinguj & Vargje", administruesit, redaktorët, bashkëpunëtorët dhe organizata administruese nuk mbajnë përgjegjësi për dëme direkte ose indirekte që burojnë nga: 

• përdorimi i faqes;

• përdorimi i informacionit të publikuar;

• gabime faktike;

• gabime redaktoriale;

• humbje të të dhënave;

• ndërprerje të shërbimeve;

• sulme kibernetike;

• veprime të palëve të treta;

• probleme të hostimit;

• dështime teknike;

• ose ngjarje të tjera jashtë kontrollit të tyre të arsyeshëm.

2. Asgjë në këto Kushte nuk përjashton përgjegjësinë në rastet kur një përjashtim i tillë ndalohet nga ligji.

1. "Tinguj & Vargje" nuk mban përgjegjësi për vonesa, humbje të të dhënave, ndërprerje ose pamundësi për të vepruar si pasojë e ngjarjeve jashtë kontrollit të arsyeshëm të saj, përfshirë por pa u kufizuar në:

• katastrofa natyrore;

• luftëra;

• trazira civile;

• sulme kibernetike;

• ndërprerje energjie;

• dështime infrastrukturore;

• veprime të autoriteteve publike.

• gabime njerëzore;

• gabime algoritmike;

• gabime të inteligjencës artificiale;

• humbje arkivore;

• korrupsion të të dhënave;

• dështime të furnitorëve të jashtëm;

• ndryshime ligjore ose rregullatore.

Mosushtrimi i një të drejte nga "Tinguj & Vargje" në një rast të caktuar nuk përbën heqje dorë nga ushtrimi i asaj të drejte në të ardhmen.

Nëse një dispozitë e këtyre Kushteve shpallet e pavlefshme, e pazbatueshme ose e paligjshme nga një autoritet kompetent, dispozitat e tjera mbeten në fuqi të plotë.

Këto Kushte përbëjnë tërësinë e marrëveshjes ndërmjet palëve lidhur me dërgimin e materialeve dhe zëvendësojnë çdo komunikim, mirëkuptim ose marrëveshje të mëparshme lidhur me këtë çështje.

1. Këto kushte rregullohen dhe interpretohen në përputhje me legjislacionin e Republikës së Shqipërisë.

2. Çdo mosmarrëveshje, pretendim ose padi që buron nga ose që lidhet me këto kushte, apo me dërgimin e materialeve pranë faqes, do të dorëzohet ekskluzivisht për zgjidhje në gjykatat kompetente të rrethit gjyqësor Tiranë.

Dispozitat që, për nga natyra e tyre, synojnë të vazhdojnë të kenë efekt pas përfundimit të përdorimit të faqes ose ndërprerjes së komunikimit, mbeten në fuqi.

Dërgimi i çdo materiali, mesazhi, sugjerimi, korrigjimi, komenti, interpretimi ose forme tjetër përmbajtjeje përmes mjeteve të komunikimit të faqes përbën pranim të plotë të këtyre Kushteve, gjë që verifikohet nga vetë autorizimi që ju jepni përpara plotësimit të fletëkërkesave përkatëse, pa dhënien e të cilit fletëkërkesat nuk dorëzohen.

1. Palët bien dakord që çdo pretendim, pakënaqësi ose mosmarrëveshje që buron nga ky dokument apo nga përdorimi i faqes, do të tentohet të zgjidhet fillimisht me mirëkuptim, bisedime të drejtpërdrejta dhe në rrugë miqësore.

2. Duke marrë parasysh natyrën jotregtuese dhe vullnetare të projektit, përpara se të ndërmarrë çdo veprim ligjor ose gjyqësor, pala pretenduese detyrohet të njoftojë zyrtarisht Besëlidhjen përmes fletëkërkesës për kontakt, duke i lënë një afat të arsyeshëm prej të paktën 180 (njëqind e tetëdhjetë) ditësh për shqyrtimin dhe zgjidhjen administrative të pretendimit.