TINGUJ & VARGJE · ARBËRESHE
Embedded Files
Qifti
Qifti
°❀⋆.ೃ࿔*:･°❀⋆.ೃ࿔*:･
TINGUJT
arbëreshë
⎯⎯⎯⎯⎯⎯⎯⎯⎯⎯
KOHA
3/4
⎯⎯⎯⎯⎯⎯⎯⎯⎯⎯
VARGJET
arbëreshe
⎯⎯⎯⎯⎯⎯⎯⎯⎯⎯
LLOJI
të përziera
⎯⎯⎯⎯⎯⎯⎯⎯⎯⎯
FJALËT E KËNGËS
FJALËT E KËNGËS
Kini kujdes në shqiptimin e së folmes arbëreshe. Shkronja gj shqiptohet si dy tinguj më vete, g+j njëri pas tjetrit. P.sh., ng-jata, jo ngjata, e kështu me radhë.
Ishi një ditë të mojit¹ majit,
ishi një ditë, pa fare pa re.
Unë ngrita sitë drej lartë motit,²
paçë një qift-ë³ çë flis' sikjar ne.
Ishi një ditë të mojit majit,
me pakë diell, fare pa re.
Një manustakje,⁴ çë bëij hijé,
unë ngjata dorën e mora me hare.
(2x)
E kur-ë rura⁵ përpar' në shpisë,
mëma më tha: "Çë lule isht?"
E kur-ë rura përpar' në shpisë,
më pijesi mëma: "Çë lule isht?"
Isht manustakja çë bëij hijé,
unë ngjata dorën e mora me hare.
(2x)
Ti trëndafile, lulëz e re,
që ti je imja, njëri e di.
(2x)
Nani⁶ ç’të panë këta sitë⁷ e mi!
Mosënjari ngë ka kjaset⁸ nga ti.
(2x)
SQARIME.
¹ mojit: muajit; pra, ishi një ditë të mojit majit → ishte një ditë e muajit maj;² ngrita sitë drej lartë motit: ngrita sytë drejt qiellit;
³ qift (qifti, i e qiftit): shpend i madh grabitqar, me krahë të zinj e të mëdhenj, me sqep të kthyer e me bisht të bigëzuar, që ushqehet me zogj e kafshë të vogla;
⁴ manustakje: manushaqe;
⁵ kur rura: kur mbërrita;
⁶ nani: tani, tashmë;
⁷ sitë: sytë;
⁸ kjaset: qaset, afrohet.
SHËNIME (DREJTSHKRIMI).
Është ruajtur e folmja arbëreshe, për të mos prekur vlerën e këngës.Google Sites
Report abuse