Vajzë e valave

Vajzë e valave...

Zemëra s'ia mban,
mbi një gur anës së detit.

Qan e mjera, qan e zeza,
qan e shkreta, qan.

Pret atë që pret...

Dhe një dhimbje ndjen,
gjithë bota venë e vinë.

Por ai nuk vjen, e mjera,
por ai nuk vjen.

Pranvera arrin...

Një mëngjes të qetë
Shkojnë e vijnë dallëndyshet

Vajza ju thërret, e mjera.
Vajza ju thërret.

"Ju, të bukur zogj...

Tek ju kam një shpresë.
Ju që shkoni dete e male.

Dua të ju pyes, e mjera,
dua të ju pyes.

Mos e patë ju?

Rron, apo nuk rron?
Ndonjë lajm, a ndonjë letër.

Vallë a më kujton, e mjera?
Vallë a më kujton?"

"Një jetime jam...

Pa nënë e baba.
Një që kisha, një që doja.

Iku dhe më la, e mjera.
Iku dhe më la."

Vajzë e valave...

Thosh i mjeri djalë:
"Merre këtë letër e qamë

Kështu qe për ne, e mjera.
Kështu qe për ne."