TINGUJ & VARGJE · SHUMËZËRËSHE
Embedded Files
Legjenda e qyqes
Legjenda e qyqes
Qan motra për vëllanë
Qan motra për vëllanë
TINGUJT
labë
⎯⎯⎯⎯⎯⎯⎯⎯⎯⎯
KOHA
5/8
⎯⎯⎯⎯⎯⎯⎯⎯⎯⎯
VARGJET
labe
⎯⎯⎯⎯⎯⎯⎯⎯⎯⎯
LLOJI
8-rrokëshe
⎯⎯⎯⎯⎯⎯⎯⎯⎯⎯
FJALËT E KËNGËS
FJALËT E KËNGËS
"Ç'pan'-o...¹ Ç'pan'-o...
Ku, ku,² ku, ku janë?"
Qan-ë motra për vëllanë!
Në një ditë të bukur prilli,
dy vëllezërit në stan-ë,
dhëntë qethnin me gërshërë.
Nuk u muarrën veshë, ç'panë?
"Ç'pan'o... ooo....
Ku, ku, ku, ku janë?"
Qan-ë motra për vëllanë!
Mbi një gur, mos pastë pjesi!³
I dymbëdhjeti shejtan-ë,
u trazoi a muhabetin,
me gërsherë u therr' u vranë.
"Ç'pan'-o... ooo...
Ku, ku, ku, ku janë?"
Qan-ë motra për vëllanë!
Gjaku e skuqi vërrinë,⁴
motërzeza tundi malnë:
"Ku i kam vëllezërit unë?"
Kukuku! Mori dynjanë!
"Ç'pan'-o...
Kuku, kuku janë?"
Qan-ë motra për vëllanë!
SQARIME.
¹ ç'panë: ç'patën, ç'i gjeti (trajtë jugore).² ku, ku: këtu, ku-të e përsëritura, përveç se përemër pyetës, që pyet: "Ku janë vëllezërit?" janë edhe tingullimitim i kukuvajkës, që në kulturën tonë është shpend që "qan" dhe ndjell zinë. Edhe po ta dëgjojmë këngën, ku-të këndohen shumë hollë, në zë që i ngjason shumë kukuvajkës. Tingujt e kukuvajkës shfaqen edhe në strofën e gjashtë: "Kukuku! Mori dynjanë!"
³ pjesi: (na ndihmoni me kuptimin e këtij vargu: mos pastë pjesi dhe vetë fjalës "pjesi")
⁴ vërri (shqiptohet vërrí): vend i ulët që nuk e zë era, vend i ngrohtë; kullotë dimërore në vise të ngrohta.
SHËNIME (DREJTSHKRIMI).
Në vijim trajtat drejtshkrimore të disa fjalëve: ç'patën, (jo ç'panë); nuk u morën (jo nuk u marrën); malin (jo malnë); Më sipër janë përdorur trajtat dialektore për të respektuar të folmen e krahinës prej nga vjen kënga.Google Sites
Report abuse