TINGUJ & VARGJE · SHQIPËRIA E MESME
Embedded Files
Zjarr në male, zjarr në kodra
Zjarr në male, zjarr në kodra
TINGUJT
Shq. e Mesme
⎯⎯⎯⎯⎯⎯⎯⎯⎯⎯
KOHA
12/8
⎯⎯⎯⎯⎯⎯⎯⎯⎯⎯
VARGJET
Shq. e Mesme
⎯⎯⎯⎯⎯⎯⎯⎯⎯⎯
LLOJI
8-rrokëshe
⎯⎯⎯⎯⎯⎯⎯⎯⎯⎯
FJALËT E KËNGËS
FJALËT E KËNGËS
Zjarr në male, zjarr në kodra,
po na vika pashá me lodra!¹
Po na vika pashá me lodra!
Zjarr në male, zjarr në bjeshk'-e,
do t’a djegin, o Martanesh'n-e.
Do t’a djegin, o Martanesh'n-e.
S’un e djegish Martanesh’n-e,
shtatë vjeç djali e rrok dyfek’n-e,
mun si gjarpni me nân' kren-e!²
Mahmut Pasha, i rremë dragoi,³
të nân' malet ç'i kërkoi,
Martaneshin s’un e shtroi!
Martaneshi ven' i mir'-e,⁴
s’duron pashë e s’duron vezir-e!
S’duron pashë e s’duron vezir-e!
SQARIME.
¹ na vika pasha me lodra: sarkazmë për pashanë (me anë të figurës së mejozës), për të zvogëluar forcën e pushtetin e tij;² si gjarpni me nan' kren-e: si gjarpri me nëntë krerë (kokë); pra, si figurë e fuqishme mitologjike;
³ i rremë dragoi: dragoi i rremë, i pavërtetë, i gënjeshtërt; përsëri shpoti për pashanë;
⁴ Martaneshi ven' i mir'-e: ta quash Marataneshin, që i ka rezistuar forcës së sulltanit, thjesht vend të mirë, përbën një modesti tipike, që përsëri shpotit pashanë, me anë të eufemizmit: ai vjen me gjithë armët e ushtritë e mëdha, pretendon të jetë dragua, teksa "vendi i thjeshtë e i mirë" i bën ballë i vetëm. Martaneshi, sipas këngës, u përket vendësve të thjeshtë, as vezirëve, as sulltanëve.
SHËNIME (DREJTSHKRIMI).
Është ruajtur e folmja e Shqipërisë së Mesme, për të mos prekur vlerën e këngës.Google Sites
Report abuse