Nina-nâna n'djep të drunit

Nina-nâna, n'djep të drunit,
ti m'u bâfsh plak i katunit.

T'i puth nâna sy e dure,
ta mloj djepin me flamure.

Ty t’ka nâna si zotni-e,
të rrit nâna për Shqipni-e.

T'u baftë djalo, zâ bilbili,
ma knofsh kângën si Naimi.¹

Ty t’ka nâna yll e drite,
ruju bir mos um korit-e.²

Nina-nâna, djepin me dushk,
t’martoftë bâba me iqind krushq!

Me iqind krush me iqind dasmor'-e,
me duvak³ e me kunor'-e.

Me kunorë e me bajrak,⁴
nusja e djalit nën duvak.

Nina-nâna, djalë ty të ruejt Zoti,
m'u bash trim si Gjergj Kastrioti!

Nina-nina, more p'llumb,
flej se nâna të don shumë.
Ti m'u rritsh, o nafakëlum!⁵

Nafakëlum, o djalë i ri,
dielli ty gjithmonë me t'pri.

Kur të rritesh, mor zem'lak,⁶
tash g'zon nânën në konak.⁷

Kur të rritesh djali im,
ti, moj zemër, do m'dalsh trim.

Nina-nâna, djepin me sanë,⁸
ti u rritsh me babë e nânë!

Nina-nâna, djepin me therra,⁹
ti u rritsh me treqind shtjerra!¹⁰ 

Nina-nâna, djepin prej lisit,
ti m'u bâfsh i pari i fisit!

Nina-nâna, n'djep të drunit,
ti m'u bâfsh plak i katundit!

Nina-nâna, po të përkundi,
djalin tim po e zë gjumi.